បាលី៖ ពាក្យថា «សារព័ត៌មានលោកខាងលិចចូលចិត្តតែផ្សាយរឿងមិនពិត» គឺជាអ្វីដែលលោក Sergey Lavrov និយាយក្នុងវីដេអូដែលបានបង្ហោះលើបណ្ដាញសង្គមបន្ទាប់ពីសារព័ត៌មានសហរដ្ឋអាមេរិក AP បានផ្សាយថាលោក Lavrov ត្រូវបានបញ្ជូនទៅមន្ទីរពេទ្យសង្គ្រោះបន្ទាន់ដោយសារបញ្ហាបេះដូង។

ក្នុងវីដេអូចំនួន១នាទី ដែលបានបង្ហោះដោយអ្នកនាំពាក្យក្រសួងការបរទេសរុស្ស៊ីលោកស្រី Maria Zakharova លោក Sergey Lavrov សម្លៀកបំពាក់ខោអាវព័ណ៌ខៀវអង្គុយអានឯកសារនៅខាងក្រៅបន្ទប់ស្នាក់នៅរបស់លោកបានលើកឡើងថា៖ «អ្នកកាសែតលោកខាងលិចបានសរសេររឿងមិនពិតអស់ជាច្រើនទស្សវត្សមកហើយដែលថា លោកពូទីន អាយុ ៧០ ឆ្នាំធ្លាក់ខ្លួនឈឺ»។

ការលើកឡើងនេះគឺបន្ទាប់ពីសារព័ត៌មាន Associated Press បានចុះផ្សាយដោយដកស្រង់សម្តីមន្ត្រីឥណ្ឌូនេស៊ី បាននិយាយថា លោក Lavrov ត្រូវបានបញ្ជូនទៅកាន់មន្ទីរពេទ្យ បន្ទាប់ពីបានមកដល់កោះបាលី សម្រាប់កិច្ចប្រជុំកំពូល G20. AP បាននិយាយថា Lavrov អាយុ ៧២ឆ្នាំ ត្រូវបានព្យាបាលដោយជំងឺបេះដូង។

លោក Sergey Lavrov អាយុ៧២ឆ្នាំ គឺជារដ្ឋមន្ត្រីការបរទេសរុស្ស៊ីដែលបានឡើងកាន់តំណែងនេះតាំងពីឆ្នាំ២០០៤៕